صفات الشخصية الانطوائية وهل الانطوائية مرض ؟

صفات الشخصية الانطوائية

صفات الشخصية الانطوائية غامضة للكثير من الناس ، عشان كده كلنا لما حد يجي يسألنا بتشوف الشخص الانطوائي ازاي بيكون اجابتنا  أنه شخص متحفظ في حدوده وبيتجنب التجمعات العائلية أو الاصحاب ويفضل عنها أنه يقعد لوحده يقرأ كتاب أو يعمل نشاط بيكون فيه لوحده وأنه بيحب يشتغل لوحده عن أنه يشتغل مع جروب ، لكن الموضوع أكبر من كده بكتير.

 

ماذا لو كنت بتحب أنك تكون لوحدك عن انك تروح حفلة ؟ لو بتحس انك مرهق بعد ماتتعامل مع اي شخص مش قريب ليك ؟ لو كنت كدة ف أنت بدأت تفكر لو أنا ممكن أكون فعلًا شخصية انطوائية

سمة الانطواء مش بنقدر نقيسها لكن بنقول ان الشخص اللي عنده قدر قليل من الانبساطية بيكون انطوائي

و سمة الانبساطية “الانبساط” هي احدى سمات الشخصية الخمس الكبرى وبتتميز بـ : 

(بيحب يتعامل مع ناس جديدة ومنفتح / بتكون موجودة فالبيئات المزدحمة كالحفلات والانشطة الجماعية / بيميلوا انهم يكون ليهم اصدقاء كتير / بيعبروا عن نفسهم بسهولة / بيستمتعوا وهما موجودين في تجمعات / ممكن يكونوا مندفعين / بيتجنبوا انهم يقعدوا لوحدهم)

وبما أن الانطوائية هي الوجه العكسي للانبساطية فبتتميز بـ :

(بيعرفوا ينتجوا اكتر فالبيئات الهادئة / بيستمتعوا وهما بيقضوا وقت لوحدهم / بيظهروا تحفظ اكثر من الحماس في التجمعات).

أنواع الشخصية الانطوائية

مش هنقدر نقول ان كل العلامات اللي اتكلمنا فيها هي فعليا الانطوائية و اللي هي بتكون فالاساس افتقار للانبساطية 

الدراسات بتقول ان في أربعة أنواع للشخصية الانطوائية وهي :

  • تفضيل قضاء الوقت في مجموعات صغيرة او بمفردهم
  • قضاء الوقت في تأمل ومشاهدة افكاره
  • الحاجة لقضاء الوقت بمفرده لأن الرفقة تثير مشاعر الخجل والاحراج
  • التفكير في التجارب السابقة أو الخوف من التجارب المستقبلية

الخلاصة أنك تتحكم في نفسك غير الاندفاع وانك تحتفظ بافكارك ومشاعرك لنفسك وماتقولهاش لحد وانك متسعاش ورا المغامرة لانها هتاخد جزء من تفكيرك و وقتك وتفضل عليها الروتينية.

صفات الشخصية الانطوائية

خلينا عارفين في البداية ان في عوامل كتير هي اللي بتشكل شخصيتنا و بتخلينا مميزين وبردو هي اللي بتنتج انطوائيتك

بمعنى آخر “مفيش اتنين انطوائيين شبه بعض ١٠٠٪”

في مؤشرات للتعرف على صفات الشخصية الانطوائية :

💦 بتحتاج وقت كتير تقعد مع نفسك :

بتعتبر فترات انعزالك مع نفسك ضرورية لصحتك النفسية و الرفاهية ؟ او انك تقضي ليلة لوحدك في البيت ممتعة وهتكون مبسوط سواء كنت هترتاح او تعمل هواية انت بتحبها لوحدك عن انك تروح حفلة؟

لو كان الوقت وحده هو اللي بيحسسك بالراحة والهدوء مش احباط وتوتر ف احتمال انك تكون شخص انطوائي اكتر من شخص منفتح 

💦 الكثير من التنشئة الاجتماعية يستنزفك

في معتقد غلط ان الانطوائيين بيكرهوا التفاعل الاجتماعي وبيتجنبوه هما بيكونوا محتاجين وقت اكتر من الشخص المنفتح في انهم يشحنوا نفسهم بين احداث الحياة اليومية.

💦 عندك صعوبة في الصراع

بالنسبالك كشخص انطوائي التفاعلات اليومية تكون مستنزفة للطاقة بدرجة كفاية لكن ماذا لو المواقف اللي بيكون تحتها صراع ؟

الدراسات بتقول ان الاشخاص الانطوائية بيكون عندهم حساسية للنقد والتقييم اكبر و من الصعوبة انهم يشاركوا افكارهم للناس اللي حواليهم بسبب انهم ممكن يختلفوا معاهم او يرفضوا رأيهم نتيجة للفكرة دي هما بيحاولوا يتجنبوا اي صراع ع قد مايقدروا.

💦 انت بتنتج بشكل افضل وانت لوحدك

مش بتحب العمل في مجموعات وبتشوف انه من الاحسن والاسرع انك تنجز العمل لوحدك وهتكون مرتاح وانه بيكون مناسب ليك اكتر لانه بيكون على حسب سرعتك وخطتك في تنفيذ المهمة والتفكير بديناميات المجموعة وضبط الاحاديث ودي سمة من صفات الشخصية الانطوائية.

وده مش معناه انك بتواجه مشاكل في الانسجام مع الآخرين.

الاضواء لا تغريك

ممكن ماتمانعش انك تشتغل في مجموعات اصغر لكن دايما بتختار الادوار اللي بتكون ورا الكواليس كأنك تحضر تقرير بس ماتعرضوش وتتناقش فيه

💦 بتفضل دايرة قريبة من الاصدقاء

كتير من الشخصيات الانطوائية عندهم دايرة صغيرة من الاصدقاء والسبب مش انهم مش بيقدروا يكونوا صداقات بالعكس ان العلاقات الكويسة جدا بتلعب في سعادة الانطوائيين.

💦 تتعرف على الناس على مستوى أعمق

💦 تقضي وقت كتير غرقان في افكارك

هل بتلاقي نفسك في احلام اليقظة او انك تقعد تتبع سيناريو معين في دماغك قبل ماتستقر على خطة التنفيذية؟

بتكون محتاج لوقت زيادة لمعالجة معلوماتك وتقييمها علشان تقدر تشوف انهي الأنسب لك وقت ماتاخد القرار

زي انك تعمل بحث عن كل حاجة متعلقة بشئ ما انت هتشتريه او انك تحط خطوات خطة لحدث كبير قبل ماتتأكد انه يتم.

💦انت خارج المنطقة ابتعد

لو اتعرضت لمواقف متعبة بتلاحظ ان عقلك بيدور على أي شيء يسببله راحة ؟

ممكن لأي شخص انه يقدر يهرب من المواقف المتعبة لكن من صفات الشخصية الانطوائية أنها بتستخدم آلية انها بتقفل على نفسها كحل لأنها تخلص من الفوضى الخارجية

انك تميل انك تسرح جوا افكارك ده بيولد عند الاخرين انك ممكن تكون خجول او مشتت او مش مهتم لكن بالرغم من انها نقطة سلبية فهي بتخليك قادر تتعايش مع البيئات المسببة للتوتر.

💦 تفضل الكتابة عن الحديث

من صفات الشخصية الانطوائية انه اوقات لو اتخيل انه بيعمل حديث شفاهي يتوتر لكن انه يكتب افكاره ده شيء عادي خصوصا لما بيتعامل مع مشاعر معقدة 

كتير من الشخصيات الانطوائية بتاخد وقت فالتفكير قبل ماتتكلم زي انها ماتديش قرار سريع وهي بتكتب بيكون المغزى وراء التباطئ هو انه يلاقي رد مناسب صغير يناسب الموضوع للتعبير.

💦 تشعر بالعواطف بعمق

من صفات الشخصية الانطوائية ان بتكون عواطفهم اكبر من الشخص الطبيعي وأوقات كتير بيلاقوا صعوبة انهم يديروا المشاعر دي

و بما ان وجود السمة دي في الشخصية الانطوائية ف ده يفسرلنا ان ليه كتير من الانطوائيين بيصابوا بالاكتئاب

تعرف على المزيد حول الرابط المعقد بين الانطواء والاكتئاب

حساسيتك الزيادة يا عزيزي مش حاجة سلبية بحتة هي ليها ميزة انك بتحب تشارك وقتك وطاقتك مع الناس اللي بتحس انهم فاهمينك وقابلينك ناس صادقين معاك.

أسباب الانطوائية

أسباب الانطوائية

أسباب تكوين الشخصية الانطوائية هي مزيج بين عاملين وهما : البيئة والجينات :

بداية بالجينات هي اللي بتحدد دور رئيسي في تكوين شخصيتك وان ممكن البيئة اللي انت فيها تفعل نشاط الجينات دي

ولكن في امكانية انك تطور من شخصيتك الانطوائية.

وممكن مراقبة سلوك افراد الاسرة في تشكيل شخصية الفرد من وهو طفل زي مثلا :

(طريقة التربية / نوع التعليم / الخبرات مع الزملاء / تجارب الحياة خاصة في مرحلة الطفولة)

نتائج الدراسات بتقول ان الشخصيات الانطوائية بيستجيبوا للدوبامين بشكل مختلف عن الشخصيات الانبساطية لكون اقل فاعلية لدى الانطوائيين وهو الناقل العصبي الاساسي للمكافأت في المخ 

هل الشخصية الانطوائية سببها الخجل 

ما يميز الانطواء هو كيفية انفاقه واستعادته للطاقة

ف ممكن الشخص يكون انطوائي وخجول و ممكن بردو يكون منفتح وخجول

الشخص الخجول عادة بيختفي خجله تدريجي لما بيبدأ يتكيف علي الموقف الجديد ويكون مرتاح زي انك ماتكونش حابب تتكلم اول يوم ليك في الشغل الجديد لكن بعد اسبوع تلاقي نفسك بتسلم عليهم على الاقل

قبول الناس ليك المستمر ممكن يساعد في تخفيف مشاعر الخجل مع الوقت في المستقبل لكن الانطوائية بتفضل جزء من شخصيتك.

كيف يري الناس الشخص الانطوائي

بعض الناس عندها معتقد خاطئ عن الشخصيات الانطوائية على سبيل المثال :

💦 مش بيحبوا الناس 

الشخصيات الانطوائية بتستفيد من العلاقات الوثيقة مع الناس زي اي شخصية عادية لكن هما عندهم تفضيل انهم يدوا طاقتهم لناس بيفهموا احتياجاتهم ويدعموها.

💦 الانطوائيين عندهم قلق اجتماعي

اكيد ان بعض الانطوائيين عندهم قلق اجتماعي ولكن ده بسبب وجود الضمير و العصابية مش الانطواء فقط.

علاج الشخصية الانطوائية

💦الانطوائي مش مريض لكن اقرب اننا نقول انه حد ناقصة مهارات اجتماعية و محتاج يتعملها.

الموضوع ليه علاقة بطريقة التفكير و رؤية الانطوائي الامور علشان كدا العلاج المعرفي السلوكي اللي بيقوم علي مناقشة الافكار وتغييرها و ادارة المشاعر بيكون الاكثر فاعلية في انه يوصل المهارات دي .

💦لكن لو الامر تطور لقلق اجتماعي و اكتئاب هنا بتكون الادوية احتياج .

Call Now Button