اضطراب طيف التوحد (ASD) وهو اضطراب بيولوجي عصبي نمو معقد بيأثر على القدرة على التواصل الاجتماعي ومن أهم علامات طيف التوحد سلوكيات متكررة أو كلمات معينة ، وأشهر العلامات المبكرة الملفتة للإصابة ب اضطراب طيف التوحد عند الاطفال هي تأخر الكلام واهتماماته القليلة وعدم الاستجابة لما حد يندهله باسمه وتجنب التواصل البصري.
دراسة عن اضطراب طيف التوحد عند الاطفال
وجدوا في بعض الدراسات أن الاطفال المصابين باضطراب فرط الحركة ونقص الانتباه أكثر عرضة بدرجة تصل ل20 مرة عن أنهم يظهروا علامات اضطراب طيف التوحد مقارنة باقرانهم المصابين به.
مستقبل طفل طيف التوحد
متستهونش بالفرق اللي يعمله اكتشاف الاضطراب وعلاجه في مرحلة مبكرة باستخدام مجموعة من التدخلات التعليمية و السلوكية والأدوية والعلاجات البديلة موضوع مهم جدا للنجاح الاجتماعي والاكاديمي والمهني للأشخاص المصابين بالتوحد.
يبدأ تشخيص باضطراب طيف التوحد عند الاطفال من بعد العامين الاولين من حياة الطفل.
ممكن يكون الطفل المصاب بالتوحد عنده وظايف عليا جدا زينا و احسن مع شوية تحديات خفيفة وممكن يكون عندهم أعراض اكثر حدة.
المعلومة المعلنة عنها هي ان مفيش اتنين بيعانوا من اضطراب التوحد عندهم نفس الاعراض بنفس الشدة و دا اللي خلاه طيف يعني درجات متدرجة من الاعراض.
أنواع طيف التوحد
اضطراب طيف التوحد بيحصل على نطاق واسع من الاعراض علشان كدا هو طيف بمعني يعاني أشخاص مصابين بالتوحد من تحديات خفيفة لكن بالنسبة لاخرين تتعارض الحالة مع الحياة اليومية.
قبل ادراك معني الطيف كان بيتم تقسيم التوحد تقسيمة كلاسيكية ل٣ انواع :
1- اضطراب التوحد
2- متلازمة أسبرجر
عادة يعاني الأشخاص المصابون بمتلازمة أسبرجر من أعراض اقل ممكن يكون انسان عادي جدا بس تواصل عيني بسيط.
3- اضطراب نموي شامل pervasive developmental disorder
أسباب طيف التوحد عند الاطفال
بتظهر نتائج الدراسات ان التطعيمات في مرحلة الطفولة مش من أسباب طيف التوحد رغم انتشار الامر دا كخزافة لفترة طويلة.
السبب الرئيسي لطيف التوحد هو مش معروف لكن بيتفق معظم العلماء انه نتيجة تغير في بنية الدماغ او وظيفته.
العلم بيدرس عددًا من النظريات اكتر منها اسباب بما في ذلك المخاطر الوراثية وتأثير علم الوراثة والمشاكل الطبية الأخرى.
-العامل البيولوجي : صعب يُقال أن من بين أسباب طيف التوحد هو وجود اخ اكبر للطفل مصاب باضطراب طيف التوحد لكن دا لا يمنع ان دا يزيد الاحتمالية للاصابة.
-ان بعض العوامل البيئية بتكون من أسباب طيف التوحد زي نقص الحديد في رحم او الرضاعة الطبيعية و الأدوية اثناء مرحلة ما قبل الولادة هو مجرد نظرية مازلت مش مثبتة.
-وجود طفرات جينية واحدة من النظريات.
-في نظرية اسمها “نظرية العالم السحري” بتقول ان الاشخاص المصابين بالتوحد بيكافحوا لوضع الاحداث اللي بيمروا بيها في مكانها.
نتيجة نظرية العالم السحري العلماء بتقول ان ده بيخلي اللي بيعانوا من اضطراب طيف التوحد بيكونوا دايما بيحاولوا يحللوا البيئة اللي حواليهم لأنها بالنسبالهم فوضوية وممكن توصل انهم يعانوا من قلق بسبب عدم يقين لا نهائي وفرط الحساسية.
كمثال توضيحي وقد لا يكون واقعي أنك ماتكونش مجمع أنت الكورة اللي ضربتها الأول ولا زميلك هو اللي ضربهالك.
علامات طيف التوحد
وكما قولنا في المقدمة لاضطراب طيف التوحد عند الاطفال…..
أن من العلامات المبكرة للإصابة بالاضطراب ده هو انه يكون متاخر في الكلام و اهتماماته قليلة مش زي اهتمامات باقي اللي في سنه و مش بيستجيب لما حد بيندهله باسمه و بيتجنب التواصل البصري.
اعراض طيف التوحد هي ٣ علامات رئيسية أولهم وهما :
1 – التفاعلات الاجتماعية :
بيكون مهاراتهم الاجتماعية مش شبه الاطفال التانيين وده بيكون واضح وقت اللعب أو التواصل.
بيكون وقت اللعب عندهم قدر محدود من الخيال وبياخدوا كل حاجة بشكل حرفي ومش بيستخدموا الايماءات في التواصل لكن مع تقدمهم فالسن ممكن يكتسبوا المهارات دي.
أوقات كتير ممكن تكون دي العلامة الوحيدة انه مش بيفهم ما وراء الكلام و التعبيرات الاجتماعية social norms علشان كدا في كتير من الناس اللي طيف توحد ممكن ميتشخص او يتحس انه في حاجة بس يتحكم عليه من اللي حواليه انه بسيط او مش فاهم.
تخيل أن حد زي ميسي بكل عبقريته في التواصل العصبي العضلي اللي مخلياه احسن لاعب في الكورة بيتقال عليه انه طيف توحد لانه عنده صعوبة في فهم ال social norms و دا يقولك ناس طيف التوحد ناس عاديين و اوقات عندهم قدرات عبقرية.
- أسباب التوحد عند الأطفال
- متلازمة توريت – تشخيص وعلاج
- تعرف على اهم 10 انواع الاضطرابات الشخصية
- معلومات هامة حول التوتر الجنسي
- استشارات ما قبل الزواج
2- التواصل لفظي او غير لفظي : بيكون اضعف
3- وجود سلوكيات متكررة
أوقات من علامات طيف التوحد هي اليقظة المستمرة الشديدة والحساسية للملابس الضيقة والاصوات العالية جدا.
ومن أعراض طيف التوحد انه مابيقدرش يتعود على لمسات معينة وتعبيرات الوجه والاصوات اللي بيعتاد عليها الدماغ العادية.
ممكن يكون عنده سلوكيات إيذاء الذات زي انه يخبط دماغه او عنده انفعالات عاطفية وبتكون بالنسباله آلية يساعد نفسه بيها لما يكون مرهق او مهووس.
ومن اعراض طيف التوحد انه يكون مع اضطراب فرط الحركة ونقص الانتباه والقلق ومتلازمة X الهش واضطراب النوم واضطراب بيكا و اضطرابات النوبات مثل الصرع.
وساعات بتتداخل الأعراض مع حالات تانية ف بتخلي تشخيص اضطراب التوحد صعب.
أفضل مركز لعلاج اضطراب طيف التوحد
مش كل حالة طيف توحد محتاجة مركز للعلاج و اوقات في منهم مش محتاج علاج اصلا لكن دا حاجة هيحددها طبيبك.
